Enillwyr Albwm Cymraeg y Flwyddyn 2025 yw Ynys am eu halbwm, ‘Dosbarth Nos’.

Ynys yw band Dylan Hughes, gynt o'r bandiau Race Horses a Radio Luxembourg. 

Rhyddhawyd yr albwm ym mis Gorffennaf 2024, gan ddilyn rhyddhau eu halbwm cyntaf a gyrhaeddodd y rhestr fer ar gyfer Y Wobr Gerddoriaeth Gymreig yn 2023.

Wedi'i recordio'n fyw dros gyfnod o bedwar diwrnod yn Stiwdios Mwnci yng ngorllewin Cymru, gobaith Ynys oedd arddangos esblygiad cerddorol y band, gan "gofleidio palet sain mwy egnïol ac anturus gyda'i drefniadau deinamig rhyfeddol."

Derbyniodd yr enillwyr dlws a gomisiynwyd yn arbennig.

Mae'r wobr, a drefnir gan yr Eisteddfod Genedlaethol a BBC Radio Cymru, yn dathlu'r cymysgedd eclectig o gerddoriaeth Gymraeg a recordiwyd ac a ryddhawyd yn ystod y flwyddyn.

Y beirniaid eleni oedd Martha Owen, Nico Dafydd, Elain Roberts, Gruffydd Davies, Branwen Williams a Heulyn Rees.

Pwy oedd ar y rhestr fer?