Dywedodd y Prif Uwcharolygydd Leighton Hammett o Heddlu Essex nos Sadwrn: “Mae teuluoedd yn wynebu caledi annirnadwy heno ac mae ein holl feddyliau gyda nhw ar hyn o bryd.

“Ni allaf ddechrau mynegi mewn geiriau pa mor anodd y mae digwyddiadau heddiw wedi bod, ac yn parhau i fod, iddyn nhw.

“Mae'n amlwg hefyd pa mor drawmatig y mae’n rhaid ei fod wedi bod i aelodau’r cyhoedd a welodd y digwyddiad ofnadwy hwn.

“O fewn ychydig eiliadau, aeth llawer ohonyn nhw o fwynhau tywydd cynnes yr haf i ruthro i gynorthwyo dieithriaid heb feddwl dwywaith."

Ychwanegodd: “Dangoson nhw’r gorau o Southend heddiw ac mae’n ddrwg gen i nad yw’r diweddariad hwn yn dod â newyddion mwy cadarnhaol iddyn nhw.

“Gwnaeth fy swyddogion, a’n partneriaid gyda’r gwasanaeth ambiwlans a thân, bopeth o fewn eu gallu i helpu’r ddau blentyn a anafwyd.

“Fe fyddan nhw i gyd yn cymryd y golled heddiw fel un bersonol.”