Cafodd y naw eu cyhuddo o gynllwynio i achosi trafferth mewn man cyhoeddus.

Roedd rhai o'r diffynyddion eisoes wedi cwblhau eu dedfryd, a chafodd y gweddill ddedfrydau wedi eu gohirio. 

Dywedodd y Barnwr Hannah Duncan na chafodd unrhyw ddifrod nac anaf ei achosi. 

Clywodd y llys fod saith o bobl mewn dau grŵp wedi eu stopio gan yr heddlu yn agos i ffens ym Maes Awyr Heathrow tua 9:00 y bore hwnnw.

Yn ôl Emma Fielding ar ran yr erlyniad, roedden nhw yn cario bagiau cefn.  

Ymhith yr offer a gafodd eu darganfod yn y bagiau, roedd offer torri, gwydr, siacedi oren llachar, glud cryf, ac offer i warchod y clustiau.

Y bwriad, yn ôl yr erlyniad oedd amharu ar weithredoedd y maes awyr.  

Yn y llys gyda Hannah Schafer o Danygroes, roedd Sally Davidson, 37, Adam Beard, 56, Luke Elson, 32, Luke Watson, 35, Sean O’Callaghan, 30, Rosa Hicks, 29, William Goldring, 27, a Rory Wilson, 26 oed.

Roedd Wilson wedi pledio'n euog mewn gwrandawiad blaenorol. 

Cafodd pob un o'r diffynyddion ag eithrio Schafer a Wilson orchymyn i dalu £2,000 tuag at gostau'r llys. 

Cafodd Wilson, o Addison Road, Guildford, ddedfryd o 10 mis ac roedd e eisoes wedi cwblhau'r ddedfryd honno.  

Cafodd Watson, o Manuden, Essex, ddedfryd o 15 mis, gydag yntau hefyd wedi cwblhau ei ddedfryd.  

Cafodd Elson, o Bundocks Walk, Llundain,  a Beard o Stroud,  ddedfryd o 12 mis, gyda'r cyfnod wedi ei gwblhau. 

11 mis wedi ei ohirio am ddwy flynedd oedd dedfryd O’Callaghan, o Mickleham, Surrey, gyda gorchymyn i wneud 120 o oriau o waith di-dâl. 

Cafodd Davidson, o Portland, Dorset 12 mis wedi ei ohirio am ddwy flynedd a bydd yn rhaid iddi gyflawni 180 o oriau o waith di-dâl. 

Cafodd Hicks, o Gaerwynt ddedfryd o 15 mis, ac mae hi eisoes wedi cwblhau'r cyfnod hwnnw. 

Mae Goldring, o Lundain wedi cael dedfryd o 15 mis wedi ei gohirio am ddwy flynedd, gyda 150 o oriau o waith di-dâl.