Mae partner i ddyn a fu farw mewn gwrthdrawiad yn Llanelli wedi rhoi teyrnged iddo.

Bu farw Sanjit Evans, 25 oed, oedd yn dad i dri o blant, mewn gwrthdrawiad rhwng beic trydan a char ar Ffordd Llethri, Llanelli ar ddydd Sadwrn 3 Mai.

Mewn datganiad, dywedodd dyweddi Mr Evans: “Sanjit oedd y person mwyaf anhygoel y byddech chi byth yn dod ar ei draws. 

“Rydym ni i gyd ar goll hebddo. Nos Sadwrn oedd noson waethaf fy mywyd.

“Roedd gan Sanjit a minnau gymaint o gynlluniau gyda’n gilydd. Roedden ni’n mynd i briodi, prynu tŷ gyda’n gilydd a mynd â’n babanod hyfryd i Disneyland. 

“Sanjit oedd y tad gorau i’n tri phlentyn, Kingsley-Julian, Bonnie-Sue a Daisie-Jo."

Ychwanegodd: “Roedd popeth a wnaeth e er mwyn ein plant. Byddaf bob amser yn eu hatgoffa bob dydd pa mor anhygoel oedd e.

“Roedd wrth ei fodd yn caru, roedd yn ffrind da i bawb a byddai’n gwneud unrhyw beth i unrhyw un.

“Mae’r digwyddiad trasig yma wedi cymryd enaid mor arbennig i ffwrdd ohonom yn llawer iawn yn rhy fuan. 

“Mae ein byd wedi’i chwalu, ein cynlluniau a’n dyfodol wedi’u rhwygo i ffwrdd mewn eiliad.”

Mae Heddlu Dyfed Powys yn parhau i gynnal ymholiadau i’r gwrthdrawiad a ddigwyddodd tua 20.50.

Mae swyddogion yn dymuno siarad yn benodol gyda theithwyr car Audi gwyn a welwyd yn ardal Tegfynydd a Heol Lethri, a allai fod gyda rhagor o wybodaeth.