Mae tri o bobl wedi eu cyhuddo a'u cadw yn y ddalfa ar ôl i'r heddlu ddod o hyd i blanhigion canabis gwerth hyd at £595,000 yn tyfu mewn hen ganolfan teiars ar gyrion Caerfyrddin.  

Fe aeth swyddogion o Heddlu Dyfed-Powys Police i'r safle yn Nhre Ioan ddydd Mercher diwethaf,  a dod o hyd i 566 o blanhigion canabis yno. 

Mae'r tri dyn a gafodd eu harestio, Atnant Kuka, Edison Kuka ac Orgest Bobo wedi eu cyhuddo o gynhyrchu canabis.  

Cafodd y warant ei chyhoeddi yn rhan o Ymgyrch Scotney, wrth i'r llu geisio mynd i'r afael â ffatrioedd canabis mawr sy'n cael eu sefydlu gan gangiau troseddol.