Mae dau rybudd tywydd newydd wedi eu cyhoeddi ar gyfer Cymru gan y Swyddfa Dywydd yn ystod y penwythnos.

Mae’r rhybudd melyn am wyntoedd cryfion ar gyfer Cymru gyfan yn ymestyn o 6.00 hyd at 18.00 ddydd Sul.

Mae yna hefyd rybudd am law trwm rhwng 9.00 a 21.00 ddydd Sul ar gyfer y siroedd deheuol canlynol yn unig:

• Abertawe
• Blaenau Gwent
• Bro Morgannwg
• Caerdydd
• Caerffili
• Casnewydd
• Castell-nedd Port Talbot
• Ceredigion
• Merthyr Tudful
• Pen-y-bont ar Ogwr
• Powys
• Rhondda Cynon Taf
• sir Benfro
• sir Fynwy
• sir Gaerfyrddin
• Torfaen

“Mae siawns o lifogydd, a allai effeithio ar eiddo, o ganlyniad i law trwm yn ystod dydd Sul,” meddai’r Swyddfa Dywydd.

“Mae disgwyl gwyntoedd o’r de a’r de-orllewin a fydd yn cynyddu drwy fore Sul, gan gyrraedd uchafbwynt yn hwyr yn y bore tan yn gynnar yn y prynhawn gyda hyrddiau o 50-60mya, ac efallai cymaint â 70mya mewn mannau agored ar hyd arfordiroedd Môr Iwerddon.”

Dydd Gwener

Daw'r rhybuddion diweddaraf wedi rhybudd am wynt ar gyfer arfordir Cymru rhwng 8.00 a 15.00 ddydd Gwener.

Mae’r rhybudd ddydd Gwener yn effeithio ar y siroedd canlynol:

• Abertawe
• Bro Morgannwg
• Caerdydd
• Castell-nedd Port Talbot
• Ceredigion
• Conwy
• Gwynedd
• Pen-y-bont ar Ogwr
• Powys
• Rhondda Cynon Taf
• Sir Benfro
• Sir Gaerfyrddin
• Ynys Môn