Mae saith dyn wedi’u cyhuddo o achosi anhrefn treisgar mewn dwy dref yn ne Cymru.

Cafodd Heddlu Gwent eu galw i ddigwyddiadau yn y Coed Duon a Threcelyn ddydd Iau yn dilyn adroddiadau o anhrefn.

Cafodd wyth dyn eu harestio dan amheuaeth o achosi anhrefn treisgar.

Fe fydd y saith dyn yn ymddangos yn Llys Ynadon Casnewydd ddydd Sadwrn 15 Chwefror mewn cysylltiad â'r digwyddiadau.

Mae'r wythfed dyn a gafodd ei arestio yn parhau i dderbyn triniaeth yn yr ysbyty.