Newyddion S4C

Rhyddhau dyn ar fechnïaeth yn dilyn gwrthdrawiad ger Cross Hands

27/01/2025
Cau ffordd Cross Hands

Mae dyn 18 oed a gafodd ei arestio yn dilyn gwrthdrawiad ar yr A48 tua’r gorllewin rhwng Cross Hands a Phont Abraham yn Sir Gaerfyrddin wedi ei ryddhau ar fechnïaeth amodol.

Fe gafodd y gwasanaethau brys eu galw i wrthdrawiad rhwng BMW du a Toyota Prius gwyn am 4.20am ddydd Sadwrn.

Fe gafodd pedwar o bobl eu cludo i'r ysbyty ac fe gafodd un ohonyn nhw ei arestio.

Cyhoeddodd Heddlu Dyfed-Powys brynhawn Llun bod y dyn a gafodd ei arestio bellach wedi ei ryddhau ar fechnïaeth amodol.

Mae'r heddlu'n parhau i ymchwilio i'r digwyddiad ac yn apelio am wybodaeth.

Dylai unrhyw un sydd â gwybodaeth gysylltu gyda'r llu ar-lein, neu drwy ffonio 101.

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.