Mae gyrrwr wedi marw yn dilyn gwrthdrawiad angheuol ym Mhowys nos Sul. 

Fe gafodd Heddlu Dyfed-Powys wybod am wrthdrawiad rhwng dau gerbyd ar ffordd yr A470 rhwng Llanidloes a Llandinam am tua 22.30. 

Fe ddigwyddodd y gwrthdrawiad rhwng car Hyundai a lori, meddai’r llu. 

Bu farw gyrrwr yr Hyundai yn y fan a’r lle ac mae teulu’r person wedi cael gwybod. 

Mae’r ffordd wedi bod ar gau dros nos. Cafodd ei hail agor tua 13.20 brynhawn dydd Llun. 

Llun: Google Maps