
Angladd The Vivienne yn cael ei gynnal yn Sir Ddinbych
Mae angladd y seren drag o Fae Colwyn, The Vivienne wedi ei gynnal yn Sir Ddinbych, gyda chanwr y band Steps Ian ‘H’ Watkins ymhlith y galarwyr.
Bu farw James Lee Williams yn gynharach yn y mis yn 32 oed.
Yn gwisgo siwt tartan, cerddodd Ian Watkins i'r eglwys ym Modelwyddan gyda'r ddigrifwraig Jayde Adams a ffrindiau eraill.

Roedd blodau ar yr arch gyda'r ysgrifen “Vivienne” a “Mab”.
Enillodd James Lee Williams, a oedd yn defnyddio'r enw adloniant The Vivienne, gyfres gyntaf RuPaul’s Drag Race UK gan ddod yn drydydd ar y rhaglen Dancing On Ice yn 2023.
Hoffter o ddillad Vivienne Westwood oedd yr ysbrydoliaeth y tu ôl i'r enw The Vivienne.
Lluniau: PA