Mae’r Swyddfa Dywydd wedi cyhoeddi rhybudd newydd melyn am rew i rannau o Gymru a fydd yn ymestyn nes fore ddydd Sadwrn.

Daeth rybudd am rew mewn rhannau o’r gogledd ddod i ben am 10.00 fore dydd Gwener.

Mae rhybudd newydd am rew bellach wedi ei gyhoeddi rhwng 16.00 ddydd Gwener a 10.00 ddydd Sadwrn.

Mae’r Swyddfa Dywydd wedi rhybuddio y bydd y rhew yn debygol o greu “amodau teithio heriol".

Maen nhw’n annog pobl i fod yn wyliadwrus o rew ar y ffyrdd, palmentydd a llwybrau seiclo.

Fe allai pobl dioddef anafiadau petai iddyn nhw gwympo o ganlyniad i’r rhew, ychwanegodd.

Daw’r rhybudd yn dilyn cawodydd o law ac eira mewn mannau ddydd Iau sydd bellach wedi rhewi dros nos, medden nhw.

Bydd rhybudd melyn arall am rew ac eira yn dod i rym ar gyfer Cymru gyfan ganol dydd ddydd Sadwrn hyd at ddiwedd ddydd Sul.

Fe fydd y rhybudd melyn am rew yn effeithio ar y siroedd canlynol ddydd Gwener a Sadwrn:

• Conwy
• Sir Ddinbych
• Sir y Fflint
• Gwynedd
• Powys
• Wrecsam