Mae'r gantores Rita Ora wedi rhoi teyrnged i'r seren bop Liam Payne yn ystod gwobrau MTV Ewrop ym Manceinion.

Dywedodd Rita Ora a oedd yn cyflwyno'r seremoni nos Sul fod ganddo'r "galon fwyaf".

Bu farw Liam Payne, oedd yn gyn-aelod o'r band One Direction, ar ôl iddo ddisgyn o falconi yn Buenos Aires fis diwethaf.

Gan siarad ar y llwyfan yng Ngwobrau Ewrop MTV, dywedodd Ora ei fod yn "un o'r bobl fwyaf caredig" iddi ei hadnabod.

"Roedd yn dod a llawenydd i bob ystafell pan roedd yn cerdded i mewn ac fe adawodd gymaint o argraff ar y byd," meddai.

Yn ystod y seremoni cafodd Taylor Swift ei gwobrwyo am yr artist gorau. Dyma'r tro cyntaf i rywun gipio'r wobr honno dair gwaith.

Ymhlith yr enillwyr eraill oedd Raye, Sabrina Carpenter, Tyla a Benson Boone.

Llun: Kevin Mazur / Getty Images