Mae'r Swyddfa Dywydd wedi cyhoeddi rhybudd melyn am wyntoedd cryfion a glaw i rannau o Gymru ddydd Sul. 

Fe fydd y rhybudd am wyntoedd cryfion mewn grym o 09:00 tan 23:59. 

Bydd y rhybudd am law yn dod i rym am 16:00 ac yn parhau tan 09:00 fore Llun.

Mae posibilrwydd y gallai gwyntoedd cryfion achosi oedi ar y ffyrdd ac ar drafnidiaeth gyhoeddus. 

Mae’r Swyddfa Dywydd hefyd wedi rhybuddio fod perygl i ffyrdd a chymunedau arfordirol gael eu heffeithio gan donnau mawr. 

Gall y tywydd effeithio ar gyflenwadau pŵer mewn rhai ardaloedd hefyd am gyfnod byr yn ôl y swyddfa. 

Dywed y Swyddfa Dywydd bod disgwyl i'r gwyntoedd ostegu ar draws Cymru erbyn nos Sul. 

Fe fydd y rhybudd am wyntoedd cryfion yn effeithio ar y siroedd canlynol:

1. Pen-y-bont ar Ogwr
2. Sir Gâr
3. Gwynedd
4. Sir Benfro
5. Rhondda Cynon Taf
6. Bro Morgannwg
7. Caerdydd
8. Ceredigion
9. Castell-nedd Port Talbot
10. Powys
11. Abertawe

Fe fydd y rhybudd am law yn effeithio ar y siroedd canlynol:

1. Blaenau Gwent
2. Caerffili
3. Sir Gâr
4. Sir Fynwy
5. Casnewydd
6. Powys
7. Abertawe
8. Bro Morgannwg
9. Pen-y-bont ar Ogwr
10. Caerdydd
11. Merthyr Tudful
12. Castell-nedd Port Talbot
13. Sir Benfro
14. Rhondda Cynon Taf
15. Torfaen