Mae’r Swyddfa Dywydd wedi cyhoeddi rhybudd melyn ar gyfer glaw yn ne a chanolbarth Cymru fore Gwener.

Bydd y rhybudd mewn grym tan 09:00 yn dilyn cyfnodau o law trwm yn yr ardaloedd hyn ddydd Iau.

Gallai rhai ardaloedd weld 40-60 mm o law mewn ychydig oriau a allai fod yn ddigon i achosi llifogydd.

Mae siawns fach y gallai cartrefi a busnesau ddioddef llifogydd, a gallai cymunedau gael eu hynysu gan ffyrdd sydd dan ddŵr.

Mae perygl hefyd o doriadau mewn cyflenwadau trydan meddai’r Swyddfa Dywydd.

“Gwiriwch a allai eich eiddo fod mewn perygl o lifogydd,” meddai llefarydd. “Os felly, ystyriwch baratoi cynllun llifogydd a phecyn llifogydd brys.

“Rhowch y cyfle orau i chi'ch hun o osgoi oedi trwy wirio cyflwr y ffyrdd os ydych chi'n gyrru, neu amserlenni bysiau a threnau, gan newid eich cynlluniau teithio os oes angen."

Mae’r rhybudd yn berthnasol i’r siroedd canlynol:

• Blaenau Gwent
• Pen-y-bont ar Ogwr
• Caerffili
• Caerdydd
• Sir Gaerfyrddin
• Ceredigion
• Merthyr Tudful
• Sir Fynwy
• Castell-nedd Port Talbot
• Casnewydd
• Sir Benfro
• Powys
• Rhondda Cynon Taf
• Abertawe
• Torfaen
• Bro Morgannwg