Mae dynes gafodd ei hanafu’n ddifrifol yn dilyn gwrthdrawiad ger Dolgellau yn gynharach eleni wedi cael ei dedfrydu.

Ymddangosodd Claire Williams, 41 oed, o Glawdd Ponciau yng Nghorwen yn Llys Caernarfon ar ôl pledio’n euog i yrru dan ddylanwad alcohol a chyffuriau.

Digwyddodd y gwrthdrawiad ar yr A494 ger Rhydymain ychydig cyn 02:00 ar ddydd Sadwrn, 13 Ebrill.

Roedd yr unig gar yn y gwrthdrawiad, Ford Focus lliw du, yn cael ei yrru gan Williams ar y pryd.

Cafodd ei chludo i Ysbyty Maelor Wrecsam i ddechrau ond cafodd ei symud yn ddiweddarach i ysbyty yn Stoke oherwydd difrifoldeb ei hanafiadau. 

Arhosodd yn yr ysbyty tan fis Mai.

Yn dilyn canlyniadau profion tocsicoleg, cafodd Williams ei chyfweld lle cyfaddefodd mai hi oedd gyrrwr y cerbyd ar adeg y gwrthdrawiad. 

Roedd canlyniadau ei phrofion yn dangos ei bod dros y terfyn alcohol a’i bod wedi cymdryd cocên cyn y gwrthdrawiad.

Cafodd ei chyhuddo o yrru dan ddylanwad alcohol a chyffuriau a chafodd ei dedfrydu ddydd Mercher.

Derbyniodd oorchymyn cymunedol 12 mis, 120 diwrnod ar gyfnod Ymatal Alcohol a Monitro Gofyniad, 20 diwrnod o weithgaredd sdsefydlu, a'i gwahardd rhag gyrru am 32 mis.

Cafodd hefyd orchymyn i dalu £85 mewn costau.