Mae dyn wedi cael ei gyhuddo o fod â dryll ffug yn ei feddiant wedi digwyddiad yng Nghaerdydd. 

Ymddangosodd Marcus Cronin, 28, o Dre-Biwt yn Llys Ynadon Caerdydd wedi ei gyhuddo o fod â dryll ffug yn ei feddiant gyda'r bwriad o achosi pryder a thrais. 

Mae'n parhau yn y ddalfa tan y gwrandawiad nesaf ym mis Awst. 

Cafodd yr heddlu eu galw i Heol Eglwys Fair wedi adroddiadau o ddyn gydag arf ger siop Spar am tua 23:20 ar 3 Gorffennaf. 

Ni chafodd unrhyw un eu hanafu, ac fe gafodd y dyn ei arestio yn y fan a'r lle. 

Mae'r heddlu yn gofyn i unrhyw un sydd â gwybodaeth yn ymwneud â'r digwyddiad i gysylltu gan ddefnyddio'r cyfeirnod 2400221400.