Mae rhestr fer Gwobr Albwm Cymraeg y Flwyddyn wedi cael ei chyhoeddi.

Cafodd y rhestr ei chyhoeddi gan yr Eisteddfod Genedlaethol ar y cyd gyda BBC Radio Cymru nos Fercher.

Mae'r wobr, sy'n dathlu ei phen-blwydd yn ddeg oed eleni, yn dathlu pob math o gerddoriaeth Gymraeg sydd i'w glywed  yng Nghymru ar hyn o bryd. 

Mae 10 albwm wedi cael eu henwebu am y wobr.

Bu panel o feirniaid sy’n rhan o’r diwydiant cerddoriaeth yn dewis a dethol eu hoff gynnyrch, gan bleidleisio am eu ffefrynnau ar ddiwedd y broses.  Y beirniaid eleni oedd Gruffudd Jones, Tomos Jones, Gwenno Morgan, Keziah O' Hare, Mared Thomas ac Owain Williams.

Dyma'r rhestr llawn:

• Amrwd - Angharad Jenkins a Patrick Rimes 
• Bolmynydd - Pys Melyn 
• Caneuon Tyn yr Hendy - Meinir Gwilym 
• Dim dwywaith - Mellt
• Galargan - The Gentle Good 
• Llond Llaw - Los Blancos 
• Mynd â’r tŷ am dro - Cowbois Rhos Botwnnog
• Sŵn o’r stafell arall - Hyll 
• Swrealaeth - M-Digidol 
• Ti ar dy ora’ pan ti’n canu - Gwilym
   

Bydd yr enillydd yn cael ei gyhoeddi ar lwyfan y Pafiliwm am 15:00 ddydd Gwener, 9 Awst.