"Roedd gen i bosteri lan ger fy ngwely yn yr ysbyty felly dwi'n meddwl bod pawb yn gwybod fy mod i'n caru Taylor, felly roedd pawb yn hapus i mi ar ôl darganfod bod gen i docynnau.

"Roeddwn i yn yr ysbyty am rai dyddiau felly roedd cael y posteri yno'n rhoi teimlad cartrefol i mi."

'Deigryn yn fy llygaid'

Ychwanegodd Isabel bod gweld Taylor Swift yn canu'n fyw "ddim yn teimlo'n go iawn".

"Roedd eithaf tipyn o'r nyrsys yn y sioe hefyd. Roedd gan nifer ohonyn nhw docynnau a roedden ni'n siarad am ein gwisgoedd a chreu breichledi gyda'n gilydd felly roedd hynny'n arbennig.

"Dwi am fynd yn ôl i'r ward wythnos nesaf oherwydd maen nhw i gyd wedi bod mor gyffrous fy mod i wedi cael cyfle i'w gweld hi."

Image

Rhannodd Isabel y newyddion y byddai'n gwylio Taylor Swift arlein yn dilyn cimotherapi, a gafodd ei neges ei weld 94,000 gwaith.

Yn dilyn ei diagnosis, a ddisgrifiodd fel un "heriol" roedd hi yn ei dagrau wrth dderbyn cefnogaeth gan 'Swifties' eraill.

"Roedd pawb mor garedig roedd gen i ddeigryn yn fy llygaid." meddai.

"Dwi'n cymryd llawer o bethau positif o fy nhriniaeth achos cyn i mi dderbyn diagnosis, roeddwn i mor swil, ond nawr dwi'n fwy agored ac yn barod i wneud bob dim.

"Roedd yn sicr yn heriol ond dwi wedi cael canlyniad positif."

Prif lun: Isabel Dockings/PA