Mae’r gofodwr Apollo 8 Bill Anders, a dynnodd un o luniau mwyaf eiconig o’r gofod, wedi marw mewn gwrthdrawiad awyren yn 90 oed.

Dywedodd swyddogion yn yr Unol Daleithiau fod yr awyren fach oedd yn hedfan wedi plymio i’r môr oddi ar arfordir talaith Washington.

Roedd Anders yn beilot ar alldaith Apollo 8 yn 1968 pan dynnodd y llun eiconig o’r Ddaear yn gwawrio dros y gorwel ar noswyl Nadolig.

Apollo 8 oedd yr alldaith gyntaf gyda chriw i adael y Ddaear a chyrraedd y lleuad.

Mae'r ddelwedd yn cael ei gydnabod yn eang am gymell y mudiad amgylcheddol byd-eang ac arwain at greu Diwrnod y Ddaear, digwyddiad blynyddol i hyrwyddo ymwybyddiaeth o ofalu am y blaned.

Llun: NASA