Cafodd y Gwasanaeth Tân ei alw i Fangor ddydd Iau wedi i gar fynd yn sownd o flaen bloc o fflatiau.

Roedd y car wedi rowlio oddi ar Ffordd yr Orsaf ym Mangor Uchaf o gwmpas 19:00 nos Iau, cyn mynd yn sownd o flaen yr adeilad.

Dywedodd llefarydd ar ran y Gwasanaeth Tân eu bod wedi cael eu galw i sicrhau nad oedd neb wedi eu hanafu.

Fe wnaethant gadarnhau nad oedd unrhyw unigolion wedi eu hanafu yn ystod y digwyddiad.

Roedd un injan dân ac un car heddlu heb ei farcio yn bresennol.