Mae’r Swyddfa Dywydd wedi cyhoeddi rhybudd melyn o storm fellt a tharanau ar gyfer rhan fwyaf o Gymru.

Bydd y rhybudd tywydd yn effeithio ar bron pob yn sir yn y wlad rhwng 12:00 a 21:00.

Gall glaw ar y ffyrdd arwain at rywfaint o lifogydd sydyn mewn mannau.

Mae'n bosib hefyd y bydd rhai gwasanaethau bws a rheilffyrdd yn cael eu heffeithio gan y glaw.

“Gallai cawodydd trwm a storm mellt a tharanau arwain at rai lleoliadau yn gweld rhwng 20-30 mm o law mewn awr,” meddai’r Swyddfa Dywydd. 

“Mae siawns bach y gallai ychydig o lefydd weld rhwng 40-50 mm."

Mae’r rhybudd tywydd yn berthnasol i’r siroedd canlynol:

• Blaenau Gwent
• Penybont
• Caerffili
• Caerdydd
• Sir Gaerfyrddin
• Ceredigion
• Conwy
• Sir Ddinbych
• Gwynedd
• Merthyr Tudful
• Sir Fynwy
• Castell-nedd Port Talbot
• Casnewydd
• Sir Benfro
• Powys
• Rhondda Cynon Taf
• Abertawe
• Torfaen
• Bro Morgannwg
• Wrecsam