Mae'r seiclwr o Aberystwyth, Stevie Williams, wedi creu hanes drwy fod y dyn cyntaf o wledydd Prydain i ennill ras byd enwog yng Ngwlad Belg. 

Fe enillodd Williams, 27 oed, y clasur La Flèche Wallonne, ddydd Mercher. 

Inline Tweet: https://twitter.com/BritishCycling/status/1780606694755598816?ref_src=twsrc%5Egoogle%7Ctwcamp%5Eserp%7Ctwgr%5Etweet

Mae’r  gystadleuaeth yn cael ei chynnal yn rhanbarth Wallonia, ac yn bron i 130km o hyd. 

Ac er gwaetha’r tywydd garw, gan gynnwys glaw trwm ac eira, fe lwyddodd y Cymro i ennill ddydd Mercher. 

Wrth siarad ar ôl ei fuddugoliaeth, dywedodd Williams ei fod yn teimlo'n eithaf emosiynol, a'i fod yn falch o fod yr enillydd cyntaf o wledydd Prydain i ennill y clasur. 

Kévin Vauquelin o Ffrainc ddaeth yn ail, tra oedd Maxim Van Gils o Wlad Belg, yn drydydd.

Llun: @stevie.w/Instagram