Mae sengl fyd-enwog y Gymraes Bonnie Tyler wedi cyrraedd brig y siartiau ar ôl i eclips solar dywyllu Mecsico, yr Unol Daleithiau a Chanada ddydd Llun.

Mae’r gân, 'Total Eclipse of the Heart', bellach wedi cyrraedd brig y siartiau iTunes yn yr Unol Daleithiau – 40 mlynedd ers iddi gyrraedd safle rhif un yn y siartiau am y tro gyntaf yn 1983.

Benson Boon oedd yn rhif un gyda'i gân Beautiful Things. 

Inline Tweet: https://twitter.com/WORLDMUSICAWARD/status/1777488865411924070

Ddydd Llun roedd cannoedd ar filoedd o bobl wedi ymgynnull ym Mecsico, yr Unol Daleithiau a Chanada er mwyn gwylio'r eclips. 

Roedd y lleuad wedi symud rhwng yr haul a’r ddaear, gan gael gwared ag unrhyw olau dydd. 

Fe ddechreuodd yr eclips ym Mecsico, gan deithio i’r gogledd-ddwyrain ar hyd yr Unol Daleithiau a dod i ben yn nhalaith Newfoundland yng Nghanada.