Merched Ysgol Glan Clwyd yw enillwyr cyntaf Cwpan Ysgolion Cymru i ferched yn dilyn eu buddugoliaeth dros Ysgol Gyfun Gymraeg Bro Myrddin.

Trechodd yr ysgol yn Llanelwy, Sir Ddinbych yr ysgol o Gaerfyrddin 6-3 ar gae Parc Penydarren ym Merthyr Tudful.

Inline Tweet: https://twitter.com/6edGlanClwyd/status/1767592011803021810

Eleni oedd y tro cyntaf i'r gystadleuaeth dan 18 i ferched gael ei chynnal.

Ysgol Syr Hugh Owen yng Nghaernarfon oedd pencampwyr cystadleuaeth y bechgyn eleni, a nhw yw'r ysgol gyntaf i'w hennill deirgwaith yn olynol.

Mewn neges ar y cyfryngau cymdeithasol mae Ysgol Glan Clwyd wedi llongyfarch y merched ar eu buddugoliaeth.

Llun: Ysgol Glan Clwyd