Bydd Cymru yn herio Gwlad yr Iâ, Montenegro a Thwrci yng Nghynghrair y Cenhedloedd UEFA.

Dyma nhw fydd grŵp B4 y gystadleuaeth.

Fe fydd y gemau yn cael eu chwarae rhwng mis Medi a Thachwedd eleni.

Eleni fe fydd Cymru yng nghynghrair B, wedi iddynt orffen ar waelod eu grŵp yng nghynghrair A y llynedd.

Nid oedd Cymru wedi ennill un o'u gemau yn erbyn Gwlad Pwyl, Gwlad Belg a'r Iseldiroedd.

Y tro diwethaf i Gymru chwarae yng nghynghrair B yn 2022, pan oeddynt wedi ennill eu grŵp.

Nid yw Cymru wedi chwarae yn erbyn Gwlad yr Iâ ers dros ddegawd, Cymru oedd yn fuddugol 3-1 adeg hynny.

Ymgyrch rhagbrofol Ewro 2012 oedd y tro diwethaf i Gymru herio Montenegro, ac enillodd Cymru 2-1 yng Nghaerdydd.

Mae Cymru wedi herio Twrci yn ddiweddar yn eu grŵp rhagbrofol ar gyfer Ewro 2024. Colli a gêm gyfartal oedd y canlyniadau.

Llun: Asiantaeth Huw Evans