Raye a Central Cee ymysg prif enillwyr gwobrau'r MOBO
Y cerddorion Raye a Central Cee oedd rhai o brif enillwyr gwobrau’r MOBO eleni gyda'r seremoni yn cael ei chynnal yn Sheffield nos Fercher.
Fe enillodd y rapiwr Central Cee wobr am Act Wrywaidd Orau, yn ogystal â Chân y Flwyddyn gyda’i gân ar y cyd gyda’r rapiwr Dave, sef Sprinter.
Enillodd y gantores, Raye, Act Fenywaidd Orau a hithau wedi dweud ei bod hi’n “siomedig iawn” nad oedd hi’n gallu bod yn bresennol er mwyn casglu’r wobr.
Mae’r gantores ar daith yn Awstralia ar hyn o bryd, a hynny gyda’r rapiwr Stormzy a wnaeth ennill wobr am 'Fideo Cerddoriaeth Orau'.
Roedd Little Simz a Bugzy Malone hefyd ymysg y rheiny a gafodd eu hanrhydeddu wedi iddyn nhw ennill yr 'Act Hip Hop Orau' a'r 'Act Grime Orau'.
Wrth dderbyn ei wobr nos Fercher dywedodd y rapiwr Bugzy Malone ei fod yn falch o allu dathlu llwyddiannau cerddorion lliw croen du.
“Pan ddechreuais i greu cerddoriaeth yn wreiddiol, doedd neb yn y gogledd yn gwneud unrhyw elw.
“Ond nawr ‘dyn ni allan ‘ma fel pobl lwyddiannus ac annibynnol, felly ‘dyn ni’n dathlu annibyniaeth pobl lliw croen du.”
Fe gafodd Potter Payper o Lundain ei anrhydeddu gydag 'Albwm y Flwyddyn' gyda’i record Real Back in Style, a gyrhaeddodd rhif dau yn y siartiau pan gafodd ei ryddhau yn ystod yr haf.
Fe berfformiodd y grŵp pop adnabyddus, y Sugababes, ar lwyfan y MOBO’s nos Fercher gan ennill gwobr am yr effaith maen nhw wedi ei gael ar y sin gerddorol, tra fod Soul II Soul wedi’u hanrhydeddu gyda 'Gwobr Cyfraniad Oes'.
Dyma restr lawn o’r cerddorion buddugol:
Act Cerddoriaeth Affricanaidd Orau – Asake
Act Jazz Orau – Ezra Collective
Perfformiad Orau mewn gyfres teledu/ffilm - Damson Idreis fel Franklin Saint yn 'Snowfall'
Act Drill Orau - K-Trap
Act Rhyngwladol Orau - Drake a 21 Savage
Act Gerddoriaeth Orau'r Caribî - Valiant
Act Gospel Orau - Limboblaze
Cynhyrchydd Orau - Info
Personoliaeth Orau yn y Cyfryngau - Shxtsngigs
Act Electronig/Dawns Orau - ShyGirl
Act R&B/Enaid Orau - Sault
Gwobr Mobo yn Palmantu'r Ffordd - Dame Jessica Ennis Hill
Act Newydd Orau - Tunde
Gwobr Arloeswr Mobo - Ghetts
Prif luniau: Wikipedia