Diolch am ddilyn ein llif byw wrth i eira ddisgyn mewn rhannau o Gymru ddydd Iau.

Cofiwch gadw golwg ar wefan ac ap Newyddion S4C ar gyfer unrhyw ddatblygiadau neu rybuddion tywydd yn y dyfodol.

Mae chwe ysgol ar gau neu ar gau'n rhannol yn ardal Wrecsam bellach o achos y tywydd.

Mae modd dod o hyd i'r diweddaraf am ysgolion y sir yma.

Image

Mae adroddiadau bod ceir yn cael trafferth teithio ar hyd y brif ffordd rhwng Wrecsam a Rhuthun brynhawn dydd Iau.

Mewn neges ar X, dywedodd y cyn-aleod Seneddol Ian Lucas ei fod yn sownd ar ffordd yr A525 ar hyn o bryd o achos y tywydd:

Inline Tweet: https://twitter.com/IanCLucas/status/1755569600048075091

Mae bron i fodfedd o eira wedi disgyn ym mhentref Rhosllanerchrugog fore ma.

Dyma lun o'r pentref gan Paul Divall-Simmons.

Image

Mae un lôn ar gau tua'r dwyrain yn dilyn gwrthdrawiad rhwng cyffyrdd 31 a 32 ar ffordd yr A55 ger Caerwys.

Mae adroddiadau fod yr amodau gyrru yn heriol oherwydd y rhew.

Inline Tweet: https://twitter.com/TrafficWalesN/status/1755566905392284139?s=20

Mae cwmni bysiau Arriva wedi trydar eu bod yn atal rhai gwasanaethau yn ardal Wrecsam oherwydd yr eira.

Inline Tweet: https://twitter.com/arrivabuswales/status/1755557778062516509

Rhybudd i deithwyr sydd yn mentro allan ar yr A55 i gyfeiriad Sir y Fflint ar hyn o bryd - mae amodau gyrru'n wael medd gwasanaeth Traffig Cymru:

Inline Tweet: https://twitter.com/TrafficWalesN/status/1755541561926991916?s=20

Mae'r eira'n disgyn mewn sawl ardal o Sir Wrecsam erbyn ganol bore.

Dyma'r olygfa yn Rhosllanerchrugog erbyn hyn:

Inline Tweet: https://twitter.com/lisamarie1711/status/1755546441584390321

Mae eira wedi disgyn yn drwch ar rai o fryniau gogledd Lloegr fore dydd Iau - dyma'r olygfa yn Buxton, yn Ne Sir Efrog:

Image

Mae adroddiadau bod eira'n disgyn yn Wrecsam ar hyn o bryd, ond nid oes son hyd yma ei fod yn achosi unrhyw drafferthion.

Inline Tweet: https://twitter.com/LitegreenLtd/status/1755543862745944199

Rhagor o law sydd yn gyfrifol am gau un o ffyrdd y de orllewin fore dydd Iau.

Dyma'r diweddaraf am gyflwr ffordd y B4318 Gumfreston:

Inline Tweet: https://twitter.com/CyngorSirPenfro/status/1755534752239485111

Mae Traffig Cymru'n rhybuddio bod amodau gyrru'n wael ar hyn o bryd rhwng Dolwyddelan a Blaenau Ffestiniog.

Pwyll piau hi felly os yn mentro allan ar ffyrdd yr ardal.

Inline Tweet: https://twitter.com/TraffigCymruG/status/1755523613581611242

Inline Tweet: https://twitter.com/DwrCymru/status/1755517056676462888

Mae Urdd Morgannwg Ganol wedi cyhoeddi bod cystadleuaeth chwaraeon i blant yr ardal wedi ei gohirio heddiw.

Glaw yn hytrach na eira sydd yn ymddangos yn gyfrifol am y newid trefniadau.

Inline Tweet: https://twitter.com/urddmg/status/1755512890667217034

Ychydig iawn o eira sydd wedi disgyn hyd yn hyn - ond mae peth ar y ffordd yn ôl dyn eira'r BBC Matt Taylor.

"Os ydych chi ar fin agor y llenni ac yn pendroni “a fydd hi'n bwrw eira allan”, yr ateb i'r mwyafrif helaeth ar hyn o bryd yw na yn bendant.

"Glaw yw'r rhan fwyaf o'r hyn sy'n disgyn o'r awyr ar hyn o bryd. Ond, bydd hynny’n newid. Mae ffrynt tywydd bellach yn ymylu ar aer oerach ac mae eira eisoes yn dechrau cwympo i rai yng ngogledd Cymru, canolbarth Lloegr a gogledd Lloegr.

"Wrth iddyn nhw ymylu mwy i'r aer oerach, bydd cwymp eira yn dod yn fwy o broblem trwy'r bore."

Mae holl safleoedd Coleg Cambria yn Wrecsam ar gau ddydd Iau o ganlyniad i dywydd garw posib.

Mewn neges ar gyfryngau cymdeithasol, dywedodd y coleg y bydd gwersi a holl waith y staff yn symud i fod ar-lein

"Bydd safleoedd y coleg yn ailagor ddydd Llun 19.02.24 yn dilyn hanner tymor."

Inline Tweet: https://twitter.com/ColegCambriaCym/status/1755263955100999909

Ymateb cymysg sydd wedi bod ar gyfryngau cymdeithasol i'r cyhoeddiad y byddai holl ysgolion Sir y Fflint ar gau ddydd Iau.

Mae 88 o ysgolion ar gau yn y sir i gyd, gyda channoedd o ddisgyblion yn derbyn addysg o adref am y dydd.

Nid pawb oedd wedi eu plesio gyda'r cam i gau'r holl ysgolion, gyda nifer yn chwyrn eu beirniadaeth o'r penderfyniad cyn i'r un bluen eira ddisgyn yn y sir.

"Gwir ystyr 'snowflakes'' meddai un person ar Facebook, gydag un arall yn dweud "Wel am lol! Rhieni druan!"

"Di ddim yn bwrw eira eto!" meddai un arall.

Mae'r Swyddfa Dywydd wedi cyhoeddi cyngor i'r cyhoedd am sut i gadw'n ddiogel mewn amodau rhewllyd.

Mae'r cyngor yn edrych yn benodol ar amodau gyrru, sut i yrru dros rew, cadw'n ddiogel ar feic neu ar droed, a gofalu am yr henoed.

Mae modd dod o hyd i'r cyngor yma.

Mae'n dawel ar brif ffyrdd y gogledd ar hyn o bryd, cyn i'r rhybudd oren am eira a rhew ddod i rym.

Mae lorïau wedi bod yn graeanu ffyrdd y rhanbarth dros nos. Dyma'r darluniau diweddaraf ar yr A55:

Image

Newyddion drwg i ddisgyblion Gwynedd, ond newyddion da i'w rhieni  - mae bob ysgol yn y sir ar agor ar y funud:

Image

Mae Cyngor Sir y Fflint wedi cyhoeddi bod eu holl ysgolion - 88 ysgol a chanolfan addysg i gyd - wedi cau ddydd Iau o ganlyniad i'r rhybudd oren am rew ag eira.

Mae'r rhestr gyflawn o'r holl ysgolion sydd ar gau yn y sir ar gael yma.

Bydd pob canolfan Sir y Fflint yn Cysylltu ar gau dydd Iau hefyd, sef canolfannau cyswllt y cyngor gyda'r cyhoedd.

Bydd pob safle Canolfannau Ailgylchu Gwastraff y Cartref yn Sir y Fflint ar gau hefyd.

Ond y bwriad yw i’r holl gasgliadau ysbwriel barhau yn ôl yr arfer. 

"Fodd bynnag byddwch yn ymwybodol y gallai fod yna rywfaint o amhariad" medd y cyngor.

Image

Mae Cyngor Wrecsam wedi cyhoeddi bod Ysgol Uwchradd Rhosesni wedi cau ddydd Iau.

Dywedodd gwefan y cyngor fod yr ysgol ar gau o achos "dim digon o staff, cymhlethdodau o ganlyniad i dywydd garw."

Mae disgwyl i 10-15cm o eira ddisgyn ond gall rhai ardaloedd sydd yn uwch na 200m weld rhwng 20 a 25cm o eira. 

Mae'r Swyddfa Dywydd yn rhybuddio ei bod hi'n fwy diogel i beidio â gyrru yn yr amodau hyn, ond os oes angen gwneud taith hanfodol, dylai pobl ystyried defnyddio dulliau eraill o drafnidiaeth.

Mae posibilrwydd y gallai rhai ardaloedd brofi toriadau pŵer.

Mae disgwyl oedi ar y ffyrdd yn ogystal â gwasanaethau rheilffyrdd. 

Fe fydd y rhybudd yn effeithio ar y siroedd canlynol:

Gwynedd, Conwy, Sir Ddinbych, Sir y Fflint, Wrecsam, Powys

Image

Mae Heddlu'r Gogledd wedi rhybuddio teithwyr i fod yn ofalus ar y ffyrdd os bydd yr amodau'n newid yn ystod y bore.

Y cyngor yw i wirio'r arolygon o flaen llaw a chymryd pwyll a gofal os yn mentro allan mewn eira:

Inline Tweet: https://twitter.com/HeddluGogCymru/status/1755291611506901039

Mae Cyngor Powys wedi cyhoeddi y bydd nifer o ysgolion ar gau ddydd Iau wedi'r cyhoeddiad am y rhybydd tywydd.

Dyma'r ysgolion sydd ar gau ben bore ond fe allai'r darlun newid yn ystod y dydd:

Image

Mae cannoedd o ddisgyblion yn y gogledd ddwyrain yn dysgu o adref wedi i Gyngor Sir y Fflint gyhoeddi na fydd ysgolion ar agor ddydd Iau.

Ar gyfryngau cymdeithasol nos Fercher fe gyhoeddodd nifer o ysgolion yr ardal eu bod wedi derbyn gwybodaeth yn gynharach fod angen iddynt gau.

Mewn neges ar Facebook, dywedodd y Cynghorydd Dave Healey: "Mewn ymateb i ragolygon y tywydd fe benderfynwyd y bydd holl ysgolion Sir y Fflint ar gau yfory. 

"Mae disgwyl eira ar dir uchel ac mae cyngor mai dim ond teithiau hanfodol y mae pobl yn eu gwneud. 

"Mae rhai staff yn teithio cryn bellter ond bydd trafnidiaeth ysgol a chludiant i ddisgyblion ag anghenion addysgol arbennig yn cael eu heffeithio. Mae ysgolion yn cael eu cynghori i wneud trefniadau ar gyfer dysgu ar-lein."

Inline Tweet: https://twitter.com/penarlag_cp/status/1755465825278890290