Mae dyn wedi cael ei arestio ar amheuaeth o ddynladdiad wedi marwolaeth y chwaraewr hoci iâ Adam Johnson.

Cafodd Mr Johnson ei daro yn ei wddf gan esgid sglefrio gwrthwynebydd gan achosi anaf angheuol tra'n chwarae i glwb Nottingham Panthers yn erbyn Sheffield Steelers ddiwedd Hydref. 

Cafodd ei gludo i'r ysbyty lle bu farw yn ddiweddarach. 

Dywedodd Heddlu Sir De Efrog fod archwiliad post-mortem wedi cadarnhau iddo farw yn sgil anaf angheuol i'w wddf. 

Dywedodd y llu fod plismyn wedi arestio person ddydd Mawrth, a'i fod yn parhau yn y ddalfa.