Mae'r Swyddfa Dywydd wedi cyhoeddi rhybudd melyn am law i rannau o Gymru nos Fawrth a fydd yn parhau tan ddydd Mercher. 

Mae'r rhybudd wedi bod mewn grym ers 18:00 nos Fawrth a bydd yn parhau tan 10:00 fore Mercher. 

Mae posibilrwydd y gallai tai a busnesau brofi llifogydd, gan achosi difrod i rai adeiladau. 

Gall oedi fod yn debygol ar gyfer gwasanaethau trên a bws, gyda disgwyl i deithiau gymryd mwy o amser. 

Mae'r rhybudd yn effeithio ar y siroedd canlynol:

1. Pen-y-bont ar Ogwr
2. Sir Gaerfyrddin
3. Sir Benfro
4. Bro Morgannwg
5. Caerffili
6. Castell-nedd Port Talbot
7. Rhondda Cynon Taf
8. Caerdydd
9. Casnewydd
10. Abertawe