Mae tîm rygbi Cymru wedi cychwyn ar eu taith i Ffrainc ar gyfer Cwpan Rygbi’r Byd.

Fe wnaeth y garfan ffarwelio â’u teuluoedd cyn gadael Gwesty’r Fro ym Mro Morgannwg fore dydd Sul.

Roedd côr yn canu a baneri cefnogwyr yn chwifio wrth i’r chwaraewyr gerdded i’r bws, cyn cael eu cludo i’r maes awyr.

Mi fydd y tîm yn teithio i’w pencadlys yn ystod y gystadleuaeth, sydd wedi ei leoli yn Versailles, y tu allan i Paris.

🇫🇷 We’re off!

❤️Tough to say goodbye but we’ll do you proud#WelshRugby | #ViveLeCymru pic.twitter.com/TMKH2Topnb

— Welsh Rugby Union 🏴󠁧󠁢󠁷󠁬󠁳󠁿 (@WelshRugbyUnion) September 3, 2023

Bydd y bencampwriaeth yn cychwyn nos Wener gyda’r gêm agoriadol rhwng Ffrainc a Seland Newydd yn Paris.

Bydd Cymru yn chwarae eu gêm gyntaf ddydd Sul nesaf yn Bordeaux, am 20.00.

Llun: Undeb Rygbi Cymru