Mae cadeirydd y BBC Richard Sharp yn gwynebu galwadau i ymddiswyddo wedi i Aelodau Seneddol ddweud ei fod wedi gwneud "penderfyniadau gwael arwyddocaol" yn ei rôl wrth sicrhau benthyciad i Boris Johnson.

Roedd pwyllgor trawsbleidiol wedi dweud y dylai Mr Sharp fod wedi "ystyried y effeithiau ei benderfyniadau" ar y BBC trwy beidio datgan ei rôl mewn helpu Boris Johnson i sicrhau benthyciad o £800,000.

Ychwanegodd y pwyllgor fod ei weithredoedd yn "gyfystyr â thorri'r safonau a ddisgwylir gan unigolion."

Nid oedd Mr Sharp wedi trefnu'r benthyciad, ond dywedodd ei fod wedi cyflwyno ei ffrind Sam Blyth, cefnder i Mr Johnson a oedd eisiau helpu'r cyn-brif weinidog gyda’i broblemau ariannol.

Mae'r adroddiad yn ategu bod methiannau Mr Sharp i ddatgan y wybodaeth yn gallu effeithio ar y BBC.

"Mae penderfyniadau Richard Sharp yn rhai gwael iawn, sydd yn gallu tanseilio hyder yn y Broses Penodiadau Cyhoeddus ac yn gallu rhwystro unigolion o geisio am fath swyddi."

Dywedodd llefarydd ar ran Mr Sharp ei fod yn "difaru" peidio dweud am ei ymlyniad gyda Mr Blyth ac "yn ymddiheuro".