Mae prif gôl-geidwad clwb pêl-droed Abertawe, Steven Benda, wedi'i anafu am weddill y tymor.

Roedd y chwaraewr o'r Almaen wedi dioddef anaf wedi iddo lanio'n lletchwith mewn gêm rhwng Abertawe a QPR dydd Sadwrn.

Fe fydd Benda yn methu gweddill y tymor gydag anaf i'w ben-glin.

Mae wedi cychwyn 21 o gemau yn olynol i'r Elyrch ers i'r hyfforddwr Russell Martin ei ddewis fel brif gôl-geidwad y clwb.

Y disgwyl yw y bydd Andy Fisher yn cymryd lle Benda rhwng y pyst am weddill y tymor, gyda Lewis Webb o bosib yn cael ei alw'n ôl o'i gyfnod ar fenthyg gydag Aberystwyth i fod yn eilydd iddo.