Newyddion S4C

Niwl

Ymestyn rhybudd melyn am niwl i fannau o Gymru nos Sadwrn

NS4C 21/01/2023

Mae'r Swyddfa Dywydd wedi ymestyn rhybudd melyn am niwl i rai mannau o Gymru ddydd Sadwrn.

Fe allai'r niwl achosi amgylchiadau anodd i yrwyr tan 23:59 nos Sadwrn, ac effeithio ar deithiau bysus a threnau am gyfnod.

Yr ardaloedd dan sylw yw:

- Powys

- Sir Fynwy

- Casnewydd

- Torfaen

Ond dywedodd llefarydd ar ran Swyddfa'r Met bod y gwaethaf o'r oerfel bellach ar ben.

"O ran y rhew mi'r ydan ni dros y gwaethaf," meddai'r meteorolegwr Craig Snell.

"Fe fydd y tymheredd yr wythnos nesaf tua'r cyfartaledd ar gyfer yr adeg yma o'r flwyddyn." 

This website uses cookies to ensure you get the best experience on our website.