Mae rhybudd melyn am law wedi ei gyhoeddi ar gyfer y rhan helaeth o Gymru ddydd Mawrth.

Dywed y Swyddfa Dywydd y bydd y glaw trymaf ar dir uchel, gyda hyd at 80-100mm yn debygol o syrthio mewn rhannau o Eryri.

Mae'r rhybudd yn golygu bod llifogydd yn debygol a gallai gwasanaethau trafnidiaeth gyhoeddus a theithiau ceir gael eu hoedi gan gyflwr y ffyrdd.

Bydd y rhybudd yn dod i rym am 6:00 fore Mawrth ac yn parhau tan 20:00 nos Fawrth.

Mae 16 o siroedd wedi eu heffeithio gan y rhybudd melyn sef:

• Abertawe
• Blaenau Gwent
• Caerffili
• Castell-nedd Port Talbot
• Ceredigion
• Conwy
• Gwynedd
• Merthyr Tudful
• Pen-y-bont ar Ogwr
• Powys
• Rhondda Cynon Taf
• Sir Ddinbych
• Sir Fynwy
• Sir Gaerfyrddin
• Torfaen
• Wrecsam