Mae'r Blaid Ddemocrataidd wedi dal ei thir yn etholiadau canol tymor yr Unol Daleithiau, er gwaethaf y rhagolygon y byddai'r Gweriniaethwyr yn profi llwyddiant. 

Mae'r etholiadau canol tymor ar gyfer dewis aelodau Tŷ’r Cynrychiolwyr a 35 o'r 100 sedd yn y Senedd, ac maen nhw'n cael eu hystyried fel ffordd o fesur poblogrwydd yr Arlywydd Joe Biden.

Roedd nifer wedi rhagweld y byddai'r Gweriniaethwyr yn ennill nifer fawr o seddi, gan gipio rheolaeth o'r Tŷ a'r Senedd gan y Democratiaid. 

Ond gyda nifer o daleithiau eisoes wedi cyhoeddi eu canlyniadau, mae'n ymddangos na fydd buddugoliaeth y Gweriniaethwyr mor fawr ag yr oedd llawer wedi ei ddisgwyl. 

Mae'r Democratiaid wedi ennill neu ddal eu gafael ar nifer o seddi agos, gan gynnwys Virginia, Texas a Gogledd Carolina. 

Gyda phleidleisiau yn dal i gael eu cyfri ar draws y wlad, mae disgwyl y bydd y Gweriniaethwyr yn cipio'r Tŷ, ond ni fydd eu mwyafrif yn un digon mawr i gymryd rheolaeth yn llwyr. 

Yn y Senedd, mae'r Democratiaid wedi ennill Pensylvania oddi ar y Gweriniaethwyr, gan wneud eu hymgyrch i ennill mwyafrif ychydig yn anoddach. 

Mae rheolaeth o'r Senedd yn y fantol ar hyn o bryd gyda phump canlyniad ar ôl i'w cyhoeddi, gan gynnwys mewn taleithiau agos fel Nevada, Georgia ac Arizona. 

Darllenwch fwy yma.