Newyddion S4C

Ian Jones

Seiclwr yn marw mewn gwrthdrawiad yng Nghaerdydd

NS4C 31/10/2022

Mae dyn 61 oed wedi marw tra'n seiclo yng Nghaerdydd nos Wener. 

Cafodd Ian Jones, o ardal Y Mynydd Bychan yn y brifddinas, ei gludo i Ysbyty Athrofaol Cymru yn dilyn y gwrthdrawiad ar Heol Caerffili . 

Er gwaethaf ymdrechion y gwasanaethau brys, bu farw'r tad i chwech o'i anafiadau. 

Wrth roi teyrnged iddo, dywedodd teulu Mr Jones ei fod yn "ŵr bonheddig a oedd yn ysbrydoliaeth i unrhyw un cafodd y pleser o'i nabod." 

"Bu'n mwynhau a charu cael ei deulu o'i gwmpas." 

Mae Heddlu De Cymru wedi dechrau  ymchwiliad, ac yn annog unrhyw un sydd â gwybodaeth i gysylltu â nhw. 

This website uses cookies to ensure you get the best experience on our website.