Mae prif weinidog y DU Liz Truss “yn barod i fod yn amhoblogaidd” ar drethi er lles yr economi meddai.

Mae hi wedi amddiffyn unrhyw doriadau y bydd ei llywodraeth yn eu cyhoeddi ddiwedd yr wythnos gan nodi ei bod yn "barod i wneud beth bynnag fydd ei angen er mwyn i’r economi dyfu eto.”

Mewn cyfweliad gyda Sky News fe wrthododd unrhyw bryderon y bydd y llywodraeth yn benthyg rhagor yn hytrach na threthi elw'r cwmnïau ynni.

Ychwanegodd nad oedd hi’n credu fod torri trethi yn annheg.

Darllenwch fwy yma.