Mae chwaraewr rhyngwladol Cymru Tom Lockyer wedi ymuno â Melbourne Victory cyn tymor newydd yr A-League yn Awstralia.

Mae’r amddiffynnwr 31 oed wedi ennill 16 cap dros Gymru ac roedd yn rhan o’r garfan yng Nghwpan y Byd 2022.

Bu Lockyer yn gapten ar Luton Town wrth i’r clwb ennill dyrchafiad i’r Uwch Gynghrair yn 2023.

Llewygodd Lockyer ar y cae wedi wyth munud o chwarae yn rownd derfynol gemau ail-gyfle’r Bencampwriaeth rhwng Luton a Coventry ar 27 Mai 2023.

Dioddefodd ataliad ar y galon yn ystod gêm yn erbyn Bournemouth ym mis Rhagfyr y flwyddyn honno.

Cafodd ddyfais ICD ei gosod yn ei frest cyn iddo ddechrau ar y broses o ddychwelyd i bêl-droed.

Fe ddychwelodd i chwarae’n gystadleuol gyda Bristol Rovers ym mis Hydref 2025, bron i ddwy flynedd ar ôl ei ymddangosiad blaenorol.

Gadawodd y clwb ar ddiwedd y tymor diwethaf ar ôl gwneud ei 300fed ymddangosiad dros Rovers.

Dywedodd Lockyer ei fod yn “falch iawn” o ymuno â Melbourne Victory ac yn edrych ymlaen at ddechrau pennod newydd yn ei yrfa.