Mae Prif Weinidog y DU Syr Keir Starmer wedi dweud y bydd yn ymweld â'r Dwyrain Canol wedi i America ac Iran ddod i gadoediad.

Fe ddaeth y ddwy wlad i gytundeb nos Fawrth ac fe fydd y cadoediad yn para am bythefnos.

Croesawu'r newyddion y mae Prif Weinidog y DU wedi ei wneud.

Dywedodd Starmer y bydd y cadoediad yn "dod â moment o ryddhad i'r rhanbarth ac i weddill y byd."

Ychwanegodd: "Gydag ein partneriaid mae'n rhaid i ni wneud popeth y gallwn ni i gefnogi a chadw'r cadoediad, ei droi yn gytundeb fydd yn para ac ail agor culfor Hormuz."

Bydd y Prif Weinidog yn teithio i'r Gwlff i gyfarfod arweinwyr gwledydd yno er mwyn "trafod ymdrechion diplomataidd i gefnogi a chynnal y cadoediad" meddai rhif 10.

Mae disgwyl iddo hefyd gyfarfod aelodau o'r lluoedd arfog Prydeinig yn y rhanbarth. Roedd ei ymweliad â'r Gwlff wedi ei drefnu cyn y cadoediad.

Fe ddaeth y cyhoeddiad tua awr cyn i fygythiad Donald Trump i fomio Iran "yn ôl i Oes y Cerrig" ddod i rym.