Mae dyn wedi marw ar ôl gwrthdrawiad rhwng car a cherddwr yn Nhonysguboriau yn Rhondda Cynon Taf.

Cafodd Heddlu De Cymru eu galw i ffodd yr A4119 Ffordd Dyffryn Elai, ger Llantrisant, am 16.45 ddydd Mercher 4 Tachwedd.

Bu farw dyn yn y fan a'r lle o ganlyniad i'r ddamwain. Mae ei berthnasau agosaf wedi cael gwybod.

Mae'r llu yn apelio am wybodaeth neu luniau camera dashfwrdd gan unrhyw un oedd yn y lleoliad ar adeg y gwrthdrawiad.

Mae modd cysylltu â'r llu drwy ffonio 101, neu gysylltu drwy wefan neu gyfrifon cyfryngau cymdeithasol Heddlu De Cymru, gan ddyfynnu’r cyfeirnod 2600360991.