Mae'r heddlu'n ymchwilio i ymosodiad honedig ar ddyn ger clwb rygbi yng Ngheredigion.

Dywedodd Heddlu Dyfed-Powys eu bod wedi derbyn adroddiad am ymosodiad ar gae pêl-droed ger Clwb Rygbi Aberteifi am 10:30 ar fore dydd Iau, 16 Ebrill.

Y gred yw bod unigolyn neu unigolion wedi ymosod ar y dyn o'r tu ôl.

Cafodd y dioddefwr ei adael yn anymwybodol yn y cae am gyfnod, gan ddioddef anafiadau i'w wyneb a'i ben.

Mae'r heddlu'n apelio ar unrhyw lygad-dystion i gysylltu gyda nhw gan ddefnyddio'r cyfeirnod 260003000397.

Llun: Google