Mae awdurdodau yn Sbaen wedi cadarnhau bod saith o bobl o Brydain wedi marw mewn tanau gwyllt yn ne'r wlad. 

Ddydd Mawrth, dywedodd cyfryngau lleol bod 12 o'r 13 sydd wedi marw yn ddinasyddion tramor. 

Roedd saith o Brydain, tri o Wlad Belg, un o Ffrainc ac un arall o'r Unol Daleithiau meddai'r gwasanaeth newyddion AFP a'r cyfryngau lleol. 

Mae'r person olaf sydd wedi marw yn ddinesydd o Sbaen.

Fe effeithiodd y tân ar ardal Almería pan gychwynnodd ddydd Iau. 

Y gred yw mai dyma un o danau gwyllt mwyaf marwol yn hanes Sbaen. 

Mae'r corff cyhoeddus oedd yn gorfod adnabod y cyrff wedi dweud mai wyth o fenywod sydd wedi marw a phump o ddynion. 

Ymhlith y rhai o Brydain a fu farw yn y tân mae'r cwpl Pete a Fran Gillam, a oedd yn byw yn Bédar. 

Roedd yn rhaid i bron 1,500 o bobl adael talaith Almería pan gychwynnodd y tân. 

Mae'r tân erbyn hyn dan reolaeth, ond mae'r awdurdodau yn dweud bod y fflamau wedi llosgi 7,000 hectar o dir.

Llun: Reuters