Mae pedwar bachgen 14 oed wedi cael eu harestio ar amheuaeth o gynnau tân yn fwriadol ar fynydd yn ne Cymru.

Dywedodd Heddlu De Cymru fod swyddogion yn ymchwilio i "dân bwriadol" a gynnwyd ar y mynydd ger Pleasant Heights ym Mhorth yn Rhondda Cynon Taf.

Mae'r bechgyn wedi cael eu rhyddhau ar fechnïaeth tra bod yr ymchwiliad yn parhau, meddai’r heddlu.

Dywedodd y Ditectif Arolygydd Steve Jones: "Mae'r digwyddiadau hyn yn rhoi cymunedau mewn perygl, yn gallu effeithio ar iechyd pobl, yn bygwth bywyd gwyllt, ac yn tynnu adnoddau brys oddi wrth bobl sydd eu hangen arnom.

"Mae cynnau tanau yn fwriadol yn drosedd. Os gwelwch ymddygiad amheus neu os oes gennych wybodaeth am gynnau tân yn fwriadol, rhowch wybod i Crimestoppers drwy ffonio 0800 555 111 neu i'r heddlu drwy ffonio 101."

Yn gynharach ddydd Gwener, disgrifiodd y Prif Weinidog Andy Burnham Brydain fel "man hynod beryglus o ran perygl tân ar hyn o bryd" gyda "37 o danau yn mudlosgi ledled y wlad".

Mewn ardal fawr ar draws De Cymru, cafodd tua 100 o swyddogion milwrol eu defnyddio i gynorthwyo gydag ymdrechion achub ac adfer.

Ymhlith eu hoffer mae pedair tancer dŵr, pob un yn gallu storio a chludo 20,000 litr o ddŵr.