Mae'r gwasanaethau brys wedi bod yn ymateb i dân yn Abertawe ddydd Sadwrn.

Fe gafodd mwg ei weld yn codi o leoliad ger garej llogi ceir Enterprise ar Heol Dyfatty ger yr orsaf drên yn y ddinas.

Yn ôl adroddiadau, cafodd sŵn ffrwydradau ei glywed yn dod o ardal y tân.

Roedd sawl injan dân wedi mynychu'r digwyddiad yn ogystal â'r heddlu.

Nid oes unrhyw adroddiadau am anafiadau ar hyn o bryd.

Mae Newyddion S4C wedi gofyn i Wasanaeth Tân ac Achub Canolbarth a Gorllewin Cymru am ymateb.