Mae Heddlu Glannau Mersi wedi rhyddhau lluniau cylch cyfyng o ddyn yn ffoi o leoliad llofruddiaeth Olivia Pratt-Korbel yn ardal Dovecot o Lerpwl ar 22 Awst.

Dywed yr heddlu fod dau ddryll wedi eu defnyddio yn ystod y llofruddiaeth, ac mae swyddogion yn apelio am wybodaeth gan y cyhoedd.

Bu farw'r ferch naw oed ar ôl cael ei saethu yn ei chartref wedi i ddyn redeg i mewn drwy'r drws tra'n rhedeg ar ôl dyn arall.

Cafodd mam Olivia, Cheryl Korbel, a dyn arall eu hanafu yn ystod y digwyddiad.

There is no place for gang activity, drug dealing, firearms or those carrying knives, and those who use them and bring fear to our communities.

Silence is not an option.

If you have any information contact @MerPolCC or call 101. pic.twitter.com/A8BRlvAXqN

— Merseyside Police (@MerseyPolice) August 31, 2022

Mae dau ddyn o Lerpwl oedd wedi eu arestio fel rhan o'r ymchwiliad wedi eu rhyddhau ar fechnïaeth ond yn parhau dan ymchwiliad yr heddlu.

Roedd y dyn sydd yn cael ei amau o lofruddio Olivia ac sydd yn ymddangos yn y lluniau cylch cyfyng yn gwisgo siaced ddu, mwgwd balaclafa du gyda phig gwyn, menyg du a sgidiau rhedeg du gyda sodlau gwyn.

Cafodd ei ddisgrifio gan yr heddlu fel dyn tenau 5'7 mewn taldra.