Mae Cyfoeth Naturiol Cymru wedi rhybuddio pobl yng Nghaerdydd i beidio â nofio yn Llyn y Rhath oherwydd tyfiant algâu yn y dŵr.

Mae algâu glas gwyrdd wedi ymddangos yn nŵr y llyn sy'n gallu achosi cyfog a niwed i groen a llygaid.  

Mae yna berygl hefyd o adwaith alergedd a thrafferthion anadlu.

Mae Cyfoeth Naturiol Cymru yn cymryd samplau o’r dŵr ac wedi rhybuddio pobl i beidio dod i gysylltiad â dŵr y llyn.

Mae’r llyn yn gyrchfan poblogaidd i bobl yng Nghaerdydd yn enwedig yn ystod y cyfnod o dywydd braf dros y penwythnos.

Llun: Cyngor Caerdydd

Mae Cyfoeth Naturiol Cymru wedi rhybuddio y gallai algâu glas gwyrdd fod wedi ailymddangos yn Llyn Parc y Rhath. Bydd samplau'n cael eu cymryd i gadarnhau. Bydd arwyddion yn cael eu gosod i rybuddio'r cyhoedd &chyngorir pobl i beidio â nofio yn y llyn na dod i gysylltiad â'r dŵr pic.twitter.com/Tuz7trDWfL

— Cyngor Caerdydd (@cyngorcaerdydd) July 16, 2022