Mae Mark Williams wedi methu yn ei ymgais i gyrraedd rownd gynderfynol Pencampwriaeth Snwcer y Byd.

Fe gollodd y Cymro, sydd wedi ennill y Bencampwriaeth deirgwaith, mewn gêm eithriadol o agos aeth lawr i’r ffrâm olaf ar ôl iddo edrych allan ohoni yn gynnar yn y gêm.

Ar un adeg roedd yn saith ffrâm i un tu ôl cyn brwydro nôl i 16-16.

Aeth Trump, o Loegr, ar y blaen yn y ffrâm olaf ac roedd angen o leiaf un snwcer ar Williams os oedd am ennill.

Fe suddodd Trump y bêl las i sicrhau’r fuddugoliaeth iddo fe a chwalu ymdrech lew Williams.

Llun: Asiantaeth Huw Evans