Newyddion S4C

S4C

Dau o Gaerdydd ar restr '10 uchaf' troseddwyr honedig yr Asiantaeth Troseddau Cenedlaethol

NS4C 20/01/2022

Mae dau ddyn o Gaerdydd wedi'u cynnwys ar restr 10 uchaf unigolion y mae Asiantaeth Troseddau Cenedlaethol yn ceisio eu dal.

Mae Asim Naveed a Calvin Parris wedi'u cynnwys ar y rhestr fel rhan o ymgyrch yr asiantaeth i arestio rhai o droseddwyr honedig mwyaf y Deyrnas Unedig. 

Mae'r ddau wedi'u cyhuddo o fod yn rhan o grwpiau troseddol a gwerthu cyffuriau Dosbarth A yng Nghymru.

Mae awdurdodau yn credu eu bod yn cuddio yn Sbaen ac yn cydweithio gydag awdurdodau lleol. 

Mae'r heddlu'n apelio i unrhyw un sydd â gwybodaeth ynglŷn â lleoliad y ddau ddyn i gysylltu yn syth.

This website uses cookies to ensure you get the best experience on our website.