Mae swyddogion yn apelio am dystion ar ôl i ddisgybl ysgol gael ei anafu mewn gwrthdrawiad gyda lori yn Llangollen.

Fe gafodd yr heddlu wybod tua 08.50 ddydd Gwener am wrthdrawiad ffordd ar Stryd y Castell rhwng disgybl ysgol a cherbyd nwyddau trwm (HGV). 

Mae gwaith ffordd a goleuadau traffig dros dro yn yr ardal ar hyn o bryd, ac roedd sawl cerbyd ar y bont adeg y digwyddiad, meddai'r heddlu.

Mae swyddogion yn annog unrhyw un a allai fod wedi gweld y digwyddiad, neu sydd â lluniau camera dangosfwrdd ohono, i gysylltu â nhw.