Mae dyn wedi cael ei arestio ar amheuaeth o lofruddiaeth yn dilyn digwyddiad yn Llandudno, Sir Conwy, nos Sadwrn.

Dywedodd Heddlu Gogledd Cymru eu bod yn ymchwilio i ddigwyddiad ar Ffordd Sant Seiriol yn y dref tua 20:00 nos Sadwrn, 31 Hydref.

Nid yw'r llu wedi rhyddhau rhagor o fanylion am amgylchiadau'r digwyddiad hyd yma.

Nid oes gwybodaeth wedi'i chyhoeddi eto chwaith am oedran y dyn sydd wedi'i arestio.

Mae ymchwiliadau'r heddlu yn parhau wrth i swyddogion geisio sefydlu'r hyn a ddigwyddodd.

Mae Heddlu Gogledd Cymru bellach yn apelio ar unrhyw un oedd yn ardal Ffordd Sant Seiriol tua 20:00 nos Sadwrn i gysylltu â nhw.

Gall unrhyw un sydd â gwybodaeth a allai gynorthwyo'r ymchwiliad gysylltu â'r heddlu drwy'r gwasanaeth sgwrsio byw ar eu gwefan neu drwy ffonio 101 a dyfynnu'rr cyfeirnod O178285.